ශ්‍රී ලංකා යුද හමුදා ක්‍රිකට් කණ්ඩායමට ජාත්‍යන්තර තරග අත්දැකීමක් ලබාගැනීමේ අවස්ථාව හිමිවී තිබෙනවා. මැලේසියානු ක්‍රිකට් සංගමයේ ආරාධනයක් අනුව ශ්‍රී ලංකා යුද හමුදා ක්‍රිකට් කණ්ඩායමට මෙම අවස්ථාව හිමි වුණා.
ලබන 27 වනදා සිට 30 වනදා දක්වා මැලේසියාවේ පැවැත්වෙන ජාත්‍යන්තර ශූරතා ලීග් විස්සයි විස්ස තරගාවලියක් සඳහා ශ්‍රී ලංකා යුද හමුදා ක්‍රිකට් කණ්ඩායම සහභාගි වනවා.
අනතුරුව අප්‍රේල් මස මුල් සතියේදී ශ්‍රී ලංකා යුද හමුදා ක්‍රීකට් කණ්ඩායම මැලේසියානු ජාතික ක්‍රිකට් කණ්ඩායම සමග එක්දින තරග 3 කටද සහභාගිවීමට නියමිතයි.
මෙම තරග සංචාරය සඳහා ශ්‍රී ලංකා ජාතික කණ්ඩායම නියෝජනය කළ අජන්ත මෙන්ඩිස් සහ සීක්කුගේ ප්‍රසන්නද එක්ව සිටිනවා.
