ඇගළුම් කර්මාන්ත ශාලා සේවිකාවක් පිරිසක් ගමන් කරමින් තිබූ බස් රථයක් නවතා තිබූ ලොරියක ගැටීමෙන් 37 දෙනෙකු තුවාල ලබා හලාවත මහා රෝහලට ඇතුළත් කර තිබෙනවා.
අද (03) අළුයම හලාවත - පුත්තලම මාර්ගයේ ආරච්චිකට්ටුව - හැළඹවටවන ප්‍රදේශයේදී මෙම අනතුර සිදුවී ඇති බවයි නෙත් නිවුස් වාර්තාකරු පැවසුවේ.අනතුරින් තුවාල ලබා රෝහල් ගත කර ඇති අය අතර කාන්තාවන් 36 දෙනෙකු සහ බස් රථයේ රියදුරුද වනවා.
කාන්තාවන් සියළුම දෙනා කල්පිටිය - නොරච්චෝලේ ප්‍රදේශයේ පදිංචිකරුවන් බව පොලීසිය සඳහන් කළා.බිංගිරිය - විලත්තව ප්‍රදේශයේ පිහිටි ඇගළුම් කර්මාන්ත ශාලාවේ සේවය කරන සේවිකාවන් පිරිසක් මෙම අනතුරින් තුවාල ලබා ඇති අතර බස් රථයය කල්පිටිය - නොරච්චෝලේ සිට ගමන් කරමින් තිබී ඇති බව පොලීසිය කියා සිටියා.
බස් රථය ගැටී ඇත්තේ ආපදාවට ලක්ව නවතා තිබූ ලොරියක පිටුපස කොටසකයි. බස් රථය පැදවූ රියදුරුගේ වරද අනතුරට හේතුව බව පොලීසිය පැවසුවා.
<
