සිය හාම්පුතා විසින් වෙඩි තබා ඝාතනය කරන ලද ශී‍්‍ර ලාංකික ගෘහ සේවිකාවගේ මළ සිරුර සෞදි අරාබියේ සිට අද (17) මෙරටට එවා තිබුණා. මෙසේ ඝාතනයට ලක්ව ඇත්තේ ගාල්ල , වදුරඹ ප‍්‍රදේශයේ පදිංචිව සිටි 38 හැවිරිදි කාන්තාවයි. හාම්පුතා විසින් ඉකුත් මාර්තු මාසයේදී වෙඩි තබා, ඇය ඝාතනය කිරීමෙන් පසු ඔහු ද වෙඩි තබා ගෙන තිබුණා.
මෙම මළ සිරුර භාර ගැනීමට පැමිණ සිටි, ඇයගේ ඥාතීන් මෙම මරණය පිළිබඳව තමන්ට සැකයක් ඇති වී ඇති බැවින් , පශ්චාත් මරණ පරීක්ෂණයක් පවත්වන ලෙස කටුනායක ගුවන් තොටුපොළ පොලිසියෙන් ඉල්ලීමක් කර තිබෙනවා. ඒ අනුව මිනුවන්ගොඩ මහේස්ත‍්‍රාත්වරිය කටුනායක ගුවන් තොටුපොළ වෙත පැමිණ , මේ පිළිබඳව පශ්චාත් මරණ පරීක්ෂණය කොළඹ අධිකරණ වෛද්‍ය නිලධාරී කාර්යාලය මගින් සිදු කරන ලෙස නියෝග කළ බව කටුනායක ගුවන් තොටුපොළ පොලිසියේ ප‍්‍රකාශකවරයෙකු පැවසුවා.
