ශ්‍රී ලංකා වයස අවුරුදු 19න් පහළ කණ්ඩායමේ ප්‍රධාන පුහුණුකරු ලෙස හෂාන් තිලකරත්න පත්කර තිබෙනවා. ඔහු කලක් ශ්‍රී ලංකා ජාතික කණ්ඩායමේ පිතිකරණ පුහුණුකරු ලෙසද කටයුතු කළා.
ලෝක කුසලානය දිනු 96 කණ්ඩායමේ සාමාජිකයෙකුද වන හෂාන් තිලකරත්න අන්තර් පළාත් සිවුදින ක්‍රිකට් තරගාවලියේ ශූරතාව දිනූ ගාල්ල කණ්ඩායමේ පුහුණුකරු වශයෙන්ද කටයුතු කළා. ඔහු ටෙස්ට් ශතක 11කට හා එක්දින ශතක දෙකකටද හිමිකම් කියනවා.
2020 වසරේ දකුණු අප්‍රිකාවේ පැවැත්වෙන වයස අවුරුදු 19න් පහළ ලෝක කුසලානය තෙක් හෂාන් තිලකරත්න මෙම ධුරයට පත් කර තිබෙනවා.
