මහවැලි ගඟේ කටුගස්තොට - ගොහාගොඩ ප්‍රදේශයේ සිදු වූ බෝට්ටු අනතුරෙන් අතුරුදන් වූ විදෙස් ජාතික තරුණියගේ මළ සිරුර සොයා ගෙන තිඛෙනවා. කටුගස්තොට පොලීසිය, නාවික හමුදාව සහ ප්‍රදේශවාසීන් එක්ව සිදුකළ මෙහෙයුමකදී ඇයගේ සිරුර සොයාගෙන ඇත්තේ වරාතැන්න ප්‍රදේශයේදී තිබීයදීයි.
මියගිය තරුණිය වයස අවුරුදු 24 ක් වූ සෞදි අරාබියේ විශ්ව විද්‍යාල සිසුවියක්.
සෞදි අරාබි සහ දෝහා කටාර් රාජ්‍යයේ සිට පැමිණි පිරිසක් ගමන් ගත් එම බෝට්ටුව ඊයේ (20) පස්වරුවේ අනතුරට ලක්වන අවස්ථාවේදී එහි හය දෙනෙකු ගමන් ගෙන තිබූ අතර පොලිසිය, නාවික හමුදාව සහ ප්‍රදේශවාසීන් විසින් ඔවුන් බේරාගෙන තිබුණා.
