කටුනායකදී අත්අඩංගුවට ගන්නා ලද සැකකරු රැගෙන පැමිණි මත්ද්‍රව්‍යවල වටිනාකම රුපියල් ලක්ෂ 70ක් නොව රුපියල් ලක්ෂ 47ක් ලෙස නිවරැදි විය යුතු යැයි පොලිසිය යළිත් නිවරැදි කිරීමක් නිකුත් කරමින් සඳහන් කරනවා.
එම නිවේදනය පහතින් දැක්වෙයි
-------------------------------
මත්ද්‍රව්‍ය වර්ග කිහිපයක් සමග සැකකරුවෙක් කොටු
(28-06-2018 08:40)
රුපියල් ලක්ෂ 70ක් වටිනා මත්ද්‍රව්‍ය තොගයක් මෙරටට රැගෙන ඒමට තැත් කළ පුද්ගලයෙකු කටුනායක ජාත්‍යන්තර ගුවන් තොටුපලේ දී අත්අඩංගුවට ගෙන තිබෙනවා.
ඒ, පොලිස් මත්ද්‍රව්‍ය නාශක කාර්යංශයේ නිලධාරීන් විසින්.
සැකකරු සතුව තිබී හෙරොයින් ග‍්‍රෑම් 320ක්, අයිස් නැමැති මත්ද්‍රව්‍ය ග‍්‍රෑම් 52ක් සහ හෂීස් මත්ද්‍රව්‍ය ග‍්‍රෑම් 230ක් සොයා ගැණුනා.
ඔහු සිය ගමන් මල්ලේ සඟවා මෙම මත්ද්‍රව්‍ය මෙරටට රැගෙන ඒමටයි උත්සහ දරා ඇත්තේ. මූලික පරීක්ෂණවලදී අනාවරණ වී ඇත්තේ සැකකරු ඉන්දියාවේ චෙන්නායි නුවර සිට අද (28) උදෑසන මෙරටට පැමිණ ඇති බවයි.
