කිරිබත්ගොඩ වෙඩිකන්ද ප‍්‍රදේශයේදී ඊයේ අත්අඩංගුවට ගත් සංවිධානාත්මක අපරාධකරුවෙකු වන මාකදුරේ මධූෂ්ගේ ගෝලයා මාර්තු මස 06 වනදා තෙක් අද (20) රක්ෂිත බන්ධනාගාරගත කෙරුණා.
ඒ, සැකකරු නුගේගොඩ මහේස්ත‍්‍රාත් අධිකරණය වෙත ඉදිරිපත් කිරීමෙන් අනතුරුවයි. එදිනට සැකකරු හදුනා ගැනීමේ පෙරට්ටුවකට ද ඉදිරිපත් කරනු ඇති.
ඉකුත් වසරේ නොවැම්බර් මස 05 වනදා මහරගම පන්නිපිටිය ප‍්‍රදේශයේ නිවසකට පොලිස් නිලධාරීන් ලෙස ඇතුළු වී මැණික් සහ දියමන්ති කොල්ලකෑමේ සිද්ධියට ඔහු සම්බන්ධ බවටයි පැවසෙන්නේ.
එහිදී කොල්ලකෑ මැණික් සහ දියමන්තිවල වටිනාකම රුපියල් කෝටි 700කට ආසන්නයි.
එම අවස්ථාවේ මැණික් මිලදී ගැනීමට පැමිණ සිටි විදේශිකයෙකුට අත්විලංගු දා පැහැරගෙන ගොස් මහරගම ප‍්‍රදේශයේ දමා ගොස් තිබූ බවයි පොලිසිය පැවසුවේ.
