පාස්කු ඉරිදා සිදු වූ මරාගෙන මැරෙන බෝම්බ ප්‍රහාර සම්බන්ධයෙන් සිදු කරන විමර්ශන වලට බලපෑම් සිදු කරන පුද්ගලයින්ට එරෙහිව නීතිය ක්‍රියාත්මක කරන ලෙස සහ තවත් ඉල්ලීම් රැසක් ඉල්ලමින් ශ්‍රී ලංකා නීතිඥ සංගමය ගොනු කළ මූලික අයිතිවාසිකම් පෙත්සම ලබන ජුනි මස 6 දා කැදවීමට ශ්‍රේෂ්ඨාධිකරණය අද (04) නියෝග කළා.
මෙම පෙත්සම විභාග කිරීමට පූර්ණ විනිසුරු මඩුල්ලක් පත් කරන ලෙසයි ශ්‍රී ලංකා නීතිඥ සංගමය ශ්‍රේෂ්ඨාධිකරණයෙන් මෙහිදි ඉල්ලා සිටියේ. මෙම පෙත්සමේ වගඋත්තරකරුවන් ලෙස නම්කර ඇත්තේ අනිවාර්ය නිවාඩු යැවූ පොලිස්පති පූජිත් ජයසුන්දර, හිටපු ආරක්ෂක ලේකම් හේමසිරි ප්‍රනාන්දු සහ කැබිනට් මණ්ඩලයේ සාමාජිකයන් ඇතුළු පිරිසක්.
