ඉන්ධන මිල අඩු කරයි

මිල සූත‍්‍රයට අනුව සිදුකරන ලද සමාලෝචනය පරිදි ඉන්ධන මිල අද මධ්‍යම රාති‍්‍රයේ සිට අඩුකර තිබෙනවා.

ඔක්ටේන් 92 වර්ගයේ පෙට‍්‍රල් මිල අඩුකර ඇත්තේ ලීටරයක් රුපියල් 2කින්. ඒ අනුව එහි නව මිල රුපියල් 136ක් වනවා.

ඔක්ටේන් 95 වර්ගයේ පෙට‍්‍රල් සහ සුපිරි ඩීසල් මිල ලීටරයක් රුපියල් 5 කින් අඩු කරන බවයි මුදල් අමාත්‍යංශය පවසන්නේ.

ඒ අනුව ඔක්ටේන් 95 වර්ගයේ පෙට‍්‍රල් ලීටරයක නව මිල රුපියල් 159ක් ද සුපිරි ඩීසල් ලීටරයක නව මිල රුපියල් 131ක් ද වනවා.

කෙසේ වෙතත් ඔටෝ ඩීසල් මිල මෙවර සංශෝධනය කර නැහැ.