සංවිධානාත්මක අපරාධකරුවෙක් වන කන්ජිපානි ඉම්රාන් සමග සමීප සම්බන්ධතා පැවැත්වූ බවට චෝදනා එල්ලවී ඇති කොළඹ අපරාධ කොට්ඨාෂයේ උප පොලිස් පරීක්ෂකවරුන් තිදෙනෙක් වහාම ක්‍රියාත්මක වන පරිදි ස්ථාන මාරු කර යවා ඇති බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර සඳහන් කර සිටිනවා.
ඒ අනුව මෙම උප පොලිස් පරීක්ෂකවරුන් තිදෙනා මන්නාරම, මුලතිව් සහ යාපනය පොලිස් ස්ථාන වෙත මාරුකර යවා ඇති බවයි පොලිස් මාධ්‍ය ප්‍රකාශකවරයා සඳහන් කර සිටියේ.
මාගල්කන්දේ සුදන්ත හිමියන් විසින් සිදුකරනු ලැබූ පැමිණිල්ල අනුව මේ සිද්ධිය සමබන්ධයෙන් බස්නාහිර පළාත භාර ජේෂ්ඨ නියෝජ්‍ය පොලිස්පතිවරයාගේ නියෝගයක් අනුව ගල්කිස්ස ප්‍රදේශය භාර ජේෂ්ඨ පොලිස් අධිකාරිවරයා විසින් මුලික විමර්ශනයක් සිදුකිරීමෙන් අනතුරුව ඒ සම්බන්ධයෙන් වැඩිදුර විමර්ශන පොලිස් මුලස්ථානයේ විශේෂ විමර්ශන ඒකකයට භාරදී ඇත.
