පකිස්තානයේ සිට ගෙන්වන ලද අර්තාපල් කන්ටේනරයක තිබී හෙරොයින් කිලෝ 100 කට ආසන්න ප්රමාණයක් සොයාගැනීමේ සිද්ධිය සම්බන්ධයෙන් පුද්ගලයින් 11 දෙනෙකු අත්අඩංගුවට ගෙන තිබෙනවා. ඒ අතරට පකිස්තාන ජාතිකයන් තිදෙනෙකුද අයත්.
මෙම හෙරොයින් තොගය අර්තාපල් ගෙඩි 388 ක සඟවා තිබූ බවයි පොලිස් මත්ද්රව්ය නාශක කාර්යාංශය පැවසුවේ. එක් අර්තාපල් ගෙඩියක හෙරොයින් ග්රැම් 250 කට අධික ප්රමාණයක් අසුරා තිබුණා. මීගමුව ප්රදේශයේ සිදුකළ වැටලීකමදී මෙම අර්තාපල් තොගය සොයා ගැණුනේ මාස 2 කට අධික කාලයක් තිස්සේ සිදුකළ පරීක්ෂණයක ප්රතිඵලයක් ලෙසයි.
මෙම කන්ටේනරයේ ඇති අර්තාපල් තුළ තවදුරටත් හෙරොයින් සඟවා ඇත්දැයි සොයා පරීක්ෂා කිරීම් සිදුකරන බවයි පොලිස් මත්ද්රව්ය නාශක කාර්යාංශය වැඩිදුරටත් පැවසුවේ.