කොරෝනා වෛරසය හේතුවෙන් ගතවූ පැය 24 තුලදී ඉතාලියෙන් පුද්ගල මරණ 345ක් වාර්තා වූ බව එරට සෞඛ්ය අංශ වාර්තා කර සිටිනවා. ඉතාලියේ මේ වන විට පුද්ගලයින් 2503 දෙනෙක් ජිවිතක්ෂයට පත්ව ඇති අතර වාර්තා වන රෝගීන් සංඛ්යාව 31,506ක් වනවා.
මේ අතර ප්රංශයේද ගතවූ පැය 24ක කාලය තුලදී කොරෝනා වෛරසය හේතුවෙන් මරණ 27ක් වාර්තා වී ඇති අතර මේ වන විට මියගිය පුද්ගලයින් මුළු සංඛ්යාව 175ක් වනවා. ප්රංශයේ වාර්තා වන මුළු මරණ සංඛ්යාවෙන් සීයයට 7ක ප්රමාණයක් වයසඅවුරුදු 65ට අඩු පුද්ගලයින් ගේ විම විශේෂත්වයක්.
මේ වන විට ප්රංශයෙන් කොරෝනා රෝගීන් 7,730 ක් වාර්තා වන අතර තත්ත්වය පාලනය කිරිමට එරට සම්පුරණයෙන් වසා දැමීමට එරට ජනාධිපතිවරයා පියවර ගනු ලැබුවා.
මේ අතර අමෙරිකාවේද කොරෝනා වෛරසය හේතුවෙන් පුද්ගලයින් 97 දෙනෙක් මියගොස් ඇති අතර වෛරසය ආසාධිතවූ පුද්ගලයින් සංඛ්යාව 5,010 ක් දක්වා ඉහළ ගොස් ඇත.
අමෙරිකාවේ වත්මන් තත්ත්වය සම්බන්ධයෙන් විශේෂ ප්රකාශයක් සිදුකරමින් එරට ප්රධාන පෙලේ වසංගත රෝග වෛද්යවරයෙක් වන Anthony Facuci ප්රකාශ කර ඉදිරි දින 45 එරටට ඉතා තීරණාත්මක කාලයක් වනු ඇති බවයි. ඉදිරි දින 45 අවසානයේදී අමෙරිකාවේ කොරෝනා වෛරස් රෝගීන් සංඛ්යාවේ ඉහළ යාමක් සිදුවනු ඇති බවට ධවල මන්දිරයේ පැවති මාධ්ය හමුවකට එක්වෙමින් ඔහු මේ බව සඳහන් කර සිටියා.
මේ අතර ලෝක සෞඛ්ය සංවිධානයද අමෙරිකාවට අනතුරු ඇඟවීමක් සිදුකරමින් සඳහන් කර සිටියේ කොරෝනා වෛරසයේ උච්චතම අවස්ථාවට මුහුණදීමේ කාලය වැඩි ඈතක නොවන බවයි.