කොරෝනා මර්දන එන්නත් ලද විගස එන්නත්කරණ වැඩපිළිවෙල ආරම්භ කිරීමට සූදානම් බව වසංගත රෝග විද්‍යා ඒකකය පවසනවා.
එහි ප‍්‍රධාන වසංගත රෝග විද්‍යාඥ වෛද්‍ය සුදත් සමරවීර පැවසුවේ කොවැක්ස් පහසුකම යටතේ ලෝක සෞඛ්‍ය සංවිධානය ලබාදෙන එන්නත් මෙරටට ලබා ගැනීම සඳහා අවශ්‍ය මූලික කි‍්‍රයාමාර්ග මේ වනවිට ගෙන ඇති බවයි.
මේ අතර, කොරෝනා ආසාදිතයින් වාර්තා වීමේ ප‍්‍රවණතාව හේතුවෙන් හුදෙකලා ප‍්‍රදේශ ලෙස නම්කර තිබූ කොටහේන, ආදුරුප්පුවීදිය, රුවන්වැල්ල යන පොලිස් වසම් සහ කුරුඳුවත්ත පොලිස් වසමේ හැටේවත්ත ප‍්‍රදේශය ඊයේ රාති‍්‍රයේ සිට හුදෙකලා තත්ත්වයෙන් ඉවත් කෙරුණා.
