ශ්‍රී ලංකා කණ්ඩායම සමග පැවැත්වෙන 03 වන එක්දින ක්‍රිකට් තරගයේදී ඉන්දීය කණ්ඩායම අද නව වාර්තාවක් බිහිකළා. ඒ, වසර 21 කට පසු වැඩිම ක්‍රීඩකයින් පිරිසකට ඉන්දීය කණ්ඩායමේ ජාත්‍යන්තර ක්‍රිකට් වරම් ලබාදෙමින්.
අද තරගයේදී ඉන්දීය කණ්ඩායම වෙනස්කම් 06 ක් සමග පිටියට පිවිසි අතර ඉන් ක්‍රීඩකයින් 05 දෙනෙකුම අද ජාත්‍යන්තර වරම් දිනාගත් නවක ක්‍රීඩකයින් වීම විශේෂත්වයක්.
වර්ෂාවෙන් බාධා එල්ල වීම හේතුවෙන් පන්දුවාර 47 කට සීමා කළ තරගයේ කාසියේ වාසිය දිනා පළමුවෙන් පන්දුවට පහරදෙන ඉන්දියාව පන්දුවාර 28 යි පන්දු 03 ක් අවසානයේ කඩුළු 05 ක් දැවී ලකුණු 179 ක් රැස්කර ගෙන සිටිනවා.
