පූජ්‍ය මුරුත්තෙට්ටුවේ ආනන්ද හිමියන් කොළඹ විශ්වවිද්‍යාලයේ කුලපති ධූරයට පත්කර තිබෙනවා.
ඒ ජනාධිපති ගෝඨාභය රාජපක්ෂ මහතා විසින්.
ඊට අදාළ ලිපිය තමන් වහන්සේ වෙත ලැබුනු බවත්, මේ මස 17 වනදා සිට වසර 05 ක කාලයක් සඳහා එම පත්වීම ලබාදී ඇති බවත් පූජ්‍ය මුරුත්තෙට්ටුවේ ආනන්ද හිමියන් නෙත් නිවුස් කළ විමසීමකදී කියා සිටියා.
කෝට්ටේ ශ්‍රී කළ්‍යාණි සාමග්‍රී ධර්ම මහා සංඝ සභාවේ බස්නාහිර පළාතේ ප්‍රධාන සංඝනායක ධූරය හොබවන පූජ්‍ය මුරුත්තෙට්ටුවේ ආනන්ද හිමියන් මැලේෂියා ලින්කන් උසස් අධ්‍යාපන ආයතනයේ සම්මාන ආචාර්ය උපාධියකින් ද පිදුම් ලබා තිබෙනවා.
