20 යි 20 ලෝක කුසලාන ක්‍රිකට් තරගාවලියේ අවසන් පූර්ව වටය පිළිබද බලාපොරොත්තු ඉහළ නංවා ගැනීමට ඔස්ට්‍රේලියාවට අද හැකි වුණා.
ඒ, බංග්ලාදේශයට එරෙහි තරගය කඩුළු 8 ක ජයක් වාර්තා කිරීමත් සමගයි.
තරගයේ ප්‍රථමයෙන් පන්දුවට පහරදුන් බංග්ලාදේශයට පන්දුවාර 15 ක් තුළ සියළු දෙනා දැවී රැස්කර ගත හැකි වුයේ ලකුණු 73 ක් පමණයි.
ඇඩම් සම්පා ලකුණු 19 කට කඩුළු 5 ක් බිද හෙළුවා.
පිළිතුරු ඉනිම ක්‍රීඩා කළ ඔස්ටේ්‍රලියාව පන්දුවාර 6 යි පන්දු 2 ක් තුළ කඩුළු 2 ක් පමණක් දැවී සිය ජයග්‍රාහී ඉලක්කය පසුකර ගියා.
ඒ අනුව ඉහළ දළ ලකුණු වේගයක්ද සමග ඔස්ට්‍රේලියාව පළමු ඛාණ්ඩායේ 2 වන ස්ථානයට පත්වීමට සමත් වුණා.
මේ අතර 20 යි 20 ලෝක කුසලාන ක්‍රිකට් තරගාවලියේ ශ්‍රී ලංකාව සහභාගී වන අවසන් තරගය තවත් නොබෝ වේලාවකින් ආරම්භ වනවා. ඒ, බටහිර ඉන්දීය කොදෙව් කණ්ඩායම සමගයි.
