ඓතිහාසික කූරගල පුදබිමේදී පළමු වරට සංවිධාන කරන නෙත් එෆ් එම් කඨින මහා පූජෝත්සවය අද පැවැත්වෙනවා. සෑම වසරකම නෙත් එෆ් එම් රේඩියෝව සංවිධාන කරන නෙත් කඨින මහා පිංකම මෙවර පැවැත්වෙන්නේ 08 වන වරටයි. අන්තවාදීන්ගේ විවිධ තර්ජනයන්ට මුහුණ දී තිබූ කූරගල පුදබිම යළි සමස්ථ ජාතියටම තිළිණ කිරීම සඳහා මීට පෙර කටයුතු කෙරුණා.
ඒ අනුවයි නෙත් එෆ් එම් කඨින මහා පූජෝත්සවය මෙවර ඓතිහාසික කූරගල පුදබිමේදී සංවිධාන කෙරුණේ. එහි කටයුතු පිළිබඳ තොරතුරු දැන ගැනීමට අප දැන් සම්බන්ධ කර ගන්නවා එහි සිටින නෙත් විශේෂ නියෝජිත සමීර බණ්ඩාර වීරකෝන්.
ආයුබෝවන් සමීර,
ඓතිහාසික කූරගල රජමහා විහාරාධිපති පූජ්‍ය වතුරුකුඹුරේ ධම්මරතන හිමියන් පැවසුවේ මෙවර කඨින පිංකමේ වැඩසටහන් රැසක් අද සහ හෙට දෙදින තුළ සංවිධාන කර ඇති බවයි.
මෙවර කඨින පිංකම සංවිධාන කරන්නේ සියළු සෞඛ්‍ය මාර්ගෝපදේශවලට යටත්වයි. සෞඛ්‍ය මාර්ගෝපදේශ අනුගමනය කරමින් පිංකම සමග සම්බන්ධවීමට සැදැහැවතුන්ට අවස්ථාව පවතින බවයි පූජ්‍ය වතුරුකුඹුරේ ධම්මරතන හිමියන් පැවසුවේ.
