2021 අධ්‍යන පොදු සහතික පත්‍ර උසස් පෙළ විභාගයට පෙනී සිටීම සඳහා අයදුම් පත්‍ර කැඳවීම මේ මස 20 වන දින දක්වා දීර්ඝ කර තිබෙනවා.
මීට පෙර එම අයදුම්පත් කැඳවීමේ අවසන් දිනය ලෙස ප්‍රකාශයට පත් කර තිබුණේ නොවැම්බර් 10 වන දිනයි.
විශ්වවිද්‍යාල ප්‍රවේශය සඳහා කඩඉම් ලකුණු ප්‍රකාශයට පත් කිරීමෙන් අනතුරුව විශ්වවිද්‍යාල ප්‍රවේශය අහිමිවූ සිසුන් විශාල පිරිසක් නැවත උසස් පෙළ විභාගයට පෙනී සිටීම සඳහා අවස්ථාව සලසන ලෙසට ඉල්ලීම් කර තිබෙනවා.
අදාළ ඉල්ලීම් සැලකිල්ලට ගෙන අයදුම්පත් කැඳවීමේ කාලසීමාව දීර්ඝ කළ බවයි විභාග කොමසාරිස් ජනරාල් සනත් පූජිත පැවසුවේ.
