ඇතැම් රජවරුන් සිදුකළ ව්‍යාපෘති සහ සැලසුම් ඉන් පසුව රජවූ රජවරුන් තම හිතු මනාපයට වෙනස් කිරීම හෝ ඒවා විනාශ කර දැමීම ඉතිහාසයේ සිටම පැවතෙමින් ඇති බව පුරාවිද්‍යාව පිළිබඳ ජේ්‍යෂ්ඨ මහාචාර්ය රාජ් සෝමදේව පවසනවා.
ඊයේ රාත්‍රියේ ප්‍රචාරය වූ නෙත් එෆ් එම් අන්ලිමිටඩ් හිස්ටි්‍ර වැඩසටහනට එක්වෙමින් ඔහු පැවසුවේ දේශපාලනයට හෝ රාජ්‍යත්වයට පැමිණෙන පුද්ගලයින් නිධන් හෑරීම හා පුරාවස්තු කැණීම ඉතිහාසයේ සිටම සිදු කර ඇති බවයි.
රාජ්‍යත්වයට පැමිණීමට පෙර විවිධ වංචා දූෂණ සහ අපරාධ කළ පුද්ගලයින් රාජ්‍යත්වයට පැමිණීමෙන් පසු ඔවුන්ගේ ස්වරූපය වෙනස් කරගන්නා ආකාරය ද මෙහිදී පැහැදිලි කෙරුණා.
