ලෝක ටෙස්ට් ක්‍රිකට් ශූරතාවලියේ නවතම ප්‍රසාද ලකුණු සටහනේ 06 වන ස්ථානය දක්වා පසු බැසීමට ශ්‍රී ලංකා කණ්ඩායමට සිදුව තිබෙනවා. ඒ, පාකිස්තාන කණ්ඩායම සමඟ ඊයේ අවසන් වූ පළමු ටෙස්ට් තරඟයේදී පරාජයට පත්වීමත් සමඟයි. ශ්‍රී ලංකා පිළ මේ වන විට තරඟ 09 කට සහභාගීවී ඉන් ජයගෙන ඇත්තේ තරඟ 04 ක් පමණයි. ඒ අනුව ශ්‍රී ලංකාවට හිමිව ඇති ප්‍රසාද ලකුණු සංඛ්‍යාව 52 ක්.
ශ්‍රී ලංකාව සමඟ ඊයේ පැවති තරඟයෙන් ජය ගැනීමත් සමඟ පාකිස්තානය ලෝක ටෙස්ට් ක්‍රිකට් ශූරතාවලියේ නවතම ප්‍රසාද ලකුණු සටහනේ 03 වන ස්ථානය දක්වා ඉදිරියට පැමිණීමට හැකිවී තිබෙනවා. ඒ, තරඟ 08 කදී ජයග්‍රහණ 04 ක් සමඟ ප්‍රසාද ලකුණු 56 ක් රැස්කරගනිමින්.
ශ්‍රී ලංකා - පාක්සිතාන දෙවන ටෙස්ට් ක්‍රිකට් තරඟය ලබන ඉරිදා ගාල්ල ජාත්‍යන්තර ක්‍රිකට් ක්‍රීඩාංගණයේදී ආරම්භ වනවා.
