ගජමුතු 02 ක් රුපියල් කෝටි 02කට විකිණීමට තැත් කළ නාවිකා හමුදා සෙබළෙකු ඇතුළු පුද්ගලයින් 05 දෙනෙකු මාතලේ, නාඋල ප්‍රදේශයේදි අත්අඩංගුවට ගෙන තිබෙනවා.
මාතලේ යුධ හමුදා බුද්ධි නිලධාරින්ට ලද තොරතුරකට අනුව මාතලේ කොට්ඨාශ දුෂණ මර්දන අංශයේ නිලධාරින් සමග සිදුකළ වැටලිමකදි මෙම සැකකරුවන් අත්අඩංගුවට ගත් බවයි පොලීසිය පැවසුවේ.
එලෙස අත්අඩංගුවට ගෙන ඇත්තේ ගල්ගමුව, කුණ්ඩසාලේ, ගුරුදෙණීය හා බිංගිරිය යන ප්‍රදේශවල පදිංචිකරුවන් පිරිසක්. සැකකරුවන් හට ගජමුතු ලැබුණේ කෙසේද යන්න සම්බන්ධයෙන් ද වැඩිදුර පරික්ෂණ ක්‍රියාත්මක බව පොලීසිය සඳහන් කළා.
