සංචාරක අයර්ලන්ත කණ්ඩායම සමග පැවැත්වෙන දෙවන ටෙස්ට් තරගයේ සිව්වන දිනයේ දිවා ආහාරය සඳහා තරගය නතර කරන අවස්ථාව වන විට ශ්‍රී ලංකා කණ්ඩායම සිය පළමු ඉනිම සඳහා එක් කඩුල්ලක් පමණක් දැවී ලකුණු 489ක් රැස් කරගෙන සිටිනවා.
ඒ අයර්ලන්තය සිය පළමු ඉනිම සඳහා රැස් කළ ලකුණු 492 කට පිළිතුරු වශයෙන්.
අද දිනයේදී ශ්‍රී ලංකා පිලේ ආරම්භක පිතිකරු නිශාන් මධුෂ්ක සිය ටෙස්ට් දිවියේ මංගල ද්විත්ව ශතකය වාර්තා කිරීමට සමත් වුවා. නිශාන් පන්දු 328කදී හතරේ පහරවල් 22ක් සහ එක් හයේ පහරක් සමග මේ වන විට නොදැවී ලකුණු 202ක් රැස් කරගෙන සිටිනවා.
අද දිනයේදී කුසල් මෙන්ඩිස් සිය ටෙස්ට් දිවියේ 08 වන ශතකය වාර්තා කිරීමට සමත් වුවා. කුසල් මෙන්ඩිස් ගේ ඉනිමට හයේ පහරවල් 08ක් සහ හතරේ පහරවල් 10ක් ඇතුලත්. මෙන්ඩිස් මේ වන විට නොදැවී ලකුණු 160ක් රැස් කරගෙන සිටිනවා.
ශ්‍රී ලංකාව මේ වන විට අයර්ලන්ත කණ්ඩායමේ පළමු ඉනිමේ ලකුණු සංඛ්‍යාවට වඩා ලකුණු 03ක් පසු පසින් සිටිනවා.
