ඉන්දිය ප්‍රිමියර් ලීග් ක්‍රිකට් තරඟාවලියේ ප්‍රසාද ලකුණු සටහනේ පෙරමුණේ සිටින ගුජරාට් ටයිටන්ස් කණ්ඩායම දිල්ලි කැපිටල්ස් කණ්ඩායම හමුවේ ඊයේ පැවති තරඟයෙන් පරාජයට පත්වුණා.
තරඟයේ ප්‍රථමයෙන් පන්දුවට පහර දුන් දිල්ලි කැපිටල්ස් කණ්ඩායම නියමිත පන්දුවාර 20 අවසානයේ කඬුලු 8 ක් දැවී ලකුණු 130 ක් රැස් කළා.
එහිදී අමන් හකීම් ඛාන් හයේ පහර 03 ක් සහ හතරේ පහර 03 ක් සමඟින් පන්දු 44 කදී ලකුණු 51 ක් රැස් කිරීමට සමත් වුණා.
අක්සාර් පටෙල් ලකුණු 27 යි. පන්දු යැවීමේදී මොහොමඩ් සාමි කඬුලු 04 ක් බිඳ හෙලුවා.
ලකුණු 131 ක ජයග්‍රාහී ඉලක්කයක් හඹා යාමට පිටියට පිවිසි ගුජරාට් කණ්ඩායමට නියමිත පන්දුවාර 20 අවසානයේ කඬුලු 06 ක් දැවී රැස්කිරීමට හැකි වූයේ ලකුණු 125 ක් පමණයි.
නායක හර්දික් පාණ්ඩියා නොදැවී රැස්කළ ලකුණු සංඛ්‍යාව 59 ක්. කලීල් අහමඩ් සහ ඉෂාන්ට් ෂර්මා කඬුලු 02 බැඟින් බිඳ හෙලුවා.
ඒ අනුව ගුජරාට් කණ්ඩායම සමඟ පැවති තරඟය ලකුණු 05 කින් ජය ගැනීමට දිල්ලි කැපිටල්ස් කණ්ඩායම සමත් වුණා.
