සංචාරක බංග්ලාදේශ කාන්තා ක්‍රිකට් කණ්ඩායම සමඟ පැවති දෙවන පන්දුවාර 20 තරඟයෙන් කඩුලු 7ක ජයක් වාර්තා කිරීමට ශ්‍රී ලංකා කාන්තා කණ්ඩායම අද සමත් වුණා.
තරඟයේ ප්‍රථමයෙන් පන්දුවට පහර දුන් බංග්ලාදේශ කාන්තා කණ්ඩායමට සියලු දෙනා දැවී රැස් කර ගත හැකි වූයේ ලකුණු 100ක් පමණයි.
පිළිතුරු ඉනිම ක්‍රීඩා කළ ශ්‍රී ලංකා කණ්ඩායම පන්දුවාර 18යි පන්දු 3ක් තුළ කඩුලු 3ක් පමණක් දැවී ජයග්‍රාහී ඉලක්කය පසුකර ගියා.
දෙපිල අතර පැවති පළමු පන්දුවාර 20යි 20 තරඟයෙන් බංග්ලාදේශ කාන්තා කණ්ඩායම කඬුලු 6ක ජයක් වාර්තා කළා.
දෙපිල අතර තුන්වන සහ අවසන් පන්දුවාර 20යි 20 තරඟය හෙට පැවැත්වීමට නියමිතයි.
