පකිස්තින සහ ශ්‍රී ලංකා කණ්ඩායම අතර පළමු ටෙස්ට් තරගයේ පළමු දිනය අවසන්

සංචාරක පකිස්තින කණ්ඩායම සහ ශ්‍රී ලංකා කණ්ඩායම අතර පළමු ටෙස්ට් තරගයේ පළමුවන දිනය අද අවසන් වුණා.

අද තරගයට අවස්ථා දෙකකදී වර්ෂාවෙන් බාධා එල්ල වුණා.

කෙසේවෙතත් සිය පළමු ඉනිම ක්‍රීඩා කරන ශ්‍රී ලංකා කණ්ඩායම අද දිනය නිමා වනවිට කඩුළු 06 ක් දැවී ලකුණු 242 ක් රැස්කර ගෙන සිටියා.

සිය ටෙස්ට් දිවියේ 39 වන අර්ධ ශතකය වාර්තා කළ ඇන්ජලෝ මැතිව්ස් ලකුණු 64 යි.

නොදැවී කඩුල්ලේ රැඳී සිටින ධනංජය ද සිල්වා ලකුණු 94 ක් රැස් කර ගෙන සිටිනවා.

ධනංජය ද සිල්වා අද වාර්තා කළේ සිය ටෙස්ට් ක්‍රිකට් දිවියේ 12 වන අර්ධ ශතකයයි.

ෂහීන් ෂා අෆ්රිඩී ලකුණු 63 ට කඩුළු 03 යි.