ගෝල් ටයිටන්ස් කණ්ඩායමට දැවැන්ත ජයක්

ලංකා ප්‍රිමියර් ලීග් ක්‍රිකට් තරඟාවලියේ ඊයේ රාත්‍රියේ පැවති තරඟයෙන් ගෝල් ටයිටන්ස් කණ්ඩායම ලකුණු 83 ක දැවැන්ත ජයක් වාර්තා කළා.

ඒ, බී - ලව් කැන්ඩි කණ්ඩායමට එරෙහිවයි.

තරඟයේ ප්‍රථමයෙන් පන්දුවට පහර දුන් ගෝල් කණ්ඩායම නියමිත පන්දුවාර 20 දී කඬුලු 05 කට ලකුණු 180 ක් රැස් කළා.

කෙසේවෙතත් බී- ලව් කැන්ඩි කණ්ඩායමට පන්දුවාර 17 යි එක් පන්දුවක් තුළ සියලු දෙනා දැවී රැස්කරගත හැකිවූයේ ලකුණු 97 ක් පමණයි.

අශේන් බණ්ඩාර ලකුණු 27 යි. සෙසු කිසිදු ක්‍රීඩකයෙකුට ලකුණු 16 සීමාව පවා පසුකර යාමට හැකිවූයේ නැහැ.