එල් පී එල් තරගාවලියට අදාළව ජැෆ්නා කිංග්ස් කණ්ඩායම සහ ගෝල් ටයිටන්ස් කණ්ඩායම අතර පැවැති තරගයෙන් ගෝල් ටයිටන්ස් කණ්ඩායමට කඩුළු 07 ක ජයක් හිමිවුණා.
පළමුවෙන් පන්දුවට පහරදුන් ජැෆ්නා කිංග්ස් කණ්ඩායමට සියලුදෙනා දැවී ලබාගත හැකි වූයේ ලකුණු 89 ක් පමණයි. එහිදී නායක තිසර පෙරේරා සහ මහීෂ් තීක්ෂණ ලකුණු 13 බැගින් රැස් කළා.
පිළිතුරු ඉනිම ක්‍රීඩා කිරීමට පිටියට පිවිසි ගෝල් ටයිටන්ස් කණ්ඩායම පන්දුවාර 13 යි පන්දු 03 ක් තුළ කඩුළු 03 ක් පමණක් දැවී නියමිත ඉලක්කය පසුකර යමින් ජයග්‍රහණය වාර්තා කළා.
ගෝල් ටයිටන්ස් කණ්ඩායම වෙනුවෙන් ටිම් සීෆර්ට් ලකුණු 55 ක් රැස් කළා.
පන්දු යැවීමේදී ගෝල් ටයිටන්ස් කණ්ඩායම වෙනුවෙන් ලහිරු කුමාර සහ ටබ්රායිස් ෂම්සි අතර කඩුළු 02 බැගින් බෙදී ගියා.
