ආසියානු කුසලාන ක්‍රිකට් තරගාවලියේ අවසන් තරගය මේවනවිට කොළඹ ආර් ප්‍රේමදාස පිටියේදී පැවැත්වෙනවා.
මේවනවිට පන්දුවට පහරදෙමින් සිටින ශ්‍රී ලංකා කණ්ඩායම මීට නොබෝ වේලාවකට පෙර පන්දුවාර 13 ක් අවසානයේ කඩුළු 08 ක් දැවී ලකුණු 40 ක් ලබා සිටිනවා.
ශ්‍රී ලංකා කණ්ඩායමේ කිසිඳු පිතිකරුවෙකුට ලකුණු 20 සීමාව පසුකර යාමට ඉන්දීය පන්දු යවන්නන් අවස්ථාව ලබාදුන්නේ නැහැ.
මේ දක්වා ශ්‍රී ලංකා කණ්ඩායම වෙනුවෙන් වැඩිම ලකුණු ලාභියා ලෙස කුසල් මෙන්ඩිස් පන්දු 34 කට මුහුණු දෙමින් ලකුණු 17 ක් පමණක් රැස් කළා.
ඉන්දීය කණ්ඩායම වෙනුවෙන් දක්ෂ පන්දු යැවීමක නිරත වූ මොහමඩ් සිරාජ් පන්දුවාර 06 ක් තුළ ලකුණු 13 ක් පමණක් ලබාදී ශ්‍රී ලංකා කණ්ඩායමේ කඩුළු 06 ක් බිඳ හෙලුවා.
