ලෝක කුසලාන එක්දින ක්‍රිකට් තරගාවලියේ ඇෆ්ගනිස්ථානය හා එංගලන්තය අතර තරගය දැන් පැවැත්වෙනවා.
ඒ, ඉන්දියාවේ දිල්ලි හිදී.
තරගයේ ප්‍රථමයෙන් පන්දුවට පහර දුන් ඇෆ්ගනිසථානය පන්දුවාර 49යි පන්දු 5කදී සියලු දෙනා දැවී ලකුණු 284ක් රැස් කලා.
දක්ෂ පිතිහරඹයක නිරත වූ රහමනුල්ලා ගුරුබාස් ලකුණු 80ක් හා ඉක්‍රම් අලිකිල් ලකුණු 58ක් රැස් කිරීමට සමත්වුණා.
ඇෆ්ගනිස්ථානය පන්දුවාර 14ක් තුල කිසිදු කඩුල්ලක් නොදැවී ලකුණු 104ක් රැස් කර ගත්තද මැද පෙල කඩුලු බිද වැටීමත් සමග ඔවුන්ට ලකුණු 300 සීමාව පසුකර යාමට හැකිවුණේ නැහැ.
පන්දු යැවීමේදී අඩිල් රෂීඩ් ලකුණු 42කට කඩුලු 03යි.
එය එක්දින ලෝක කුසලානයක රෂීඩ්ගේ හොදම පන්දු යැවීමයි.
ලකුණු 285ක ජයග්‍රාහි ඉලක්කයක් හඹා යාම සදහා පිටියට පැමිණි එංගලන්ත කණ්ඩායම මීට නොබෝ වේලාවකට පෙර පන්දු වාර 07ක් අවසානයේදි කඩුලු 2ක් දැවී ලකුණු 33ක් ලබාගෙන සිටියා.
