පුරාවස්තු ලබා ගැනීමේ අරමුණින් කැනීම් කරමින් සිටි සැකකරුවන් 09 දෙනෙකු ප්‍රදේශ දෙකකදී පොලීසිය මගින් අත්අඩංගුවට ගෙන තිබෙනවා.
ගලෙන්බිඳුණුවැව පොලිස් ස්ථානයේ නිලධාරීන් තෙළඹුගස්වැව ප්‍රදේශයේ සිදු කළ වැටලීමකදී සැකකරුවන් 04 දෙනෙකු අත්අඩංගුවට ගෙන ඇති බවයි පොලිස් මාධ්‍ය ප්‍රකාශක කාර්යාලය පැවසුවේ.
අත්අඩංගුවට ගත් සැකකරුවන් පයාගල හා ගලෙන්බිඳුණුවැව ප්‍රදේශවල පදිංචිකරුවන් බවටයි අනාවරණ වී ඇත්තේ.
අනුරාධපුර පොලිස් ස්ථානයේ නිලධාරීන් අනුරාධපුර විජේපුර ප්‍රදේශයේ සිදු කළ වැටලීමකදී පුරාවස්තු සොයා කැණීම් කරමින් සිටි තවත් සැකකරුවන් 05 දෙනෙකු අත්අඩංගුවට ගෙන තිබෙනවා.
එම සැකකරුවන් චීන වරාය, අම්බලන්තොට, දික්වැල්ල සහ අනුරාධපුර ප්‍රදේශවල පදිංචිකරුවන් බවටයි අනාවරණ වී ඇත්තේ.
