ලෝක ශූරතා කනිෂ්ඨ මලල ක්‍රීඩා ශූරතා තරඟාවලයේ ශ්‍රී ලංකාව නියෝජනය කළ මෙරෝන් විජේසිංහ පිරිමි මීටර් 100 ඉසව්වේ අවසන් පූර්ව වටයට සුදුසුකම් ලබා තිබෙනවා.
එම තරඟාවලිය පේරු රාජ්‍යයේ ලීමා අගනුවරදී පැවැත්වෙනවා. මෙරෝන් විජේසිංහ සහභාගී වූ පිරිමි මීටර් 100 ඉසව්වේ මූලික වටයේ තරඟයෙන් දෙවන ස්ථානය දිනා ගැනීමට සමත් වුණා.
ඒ, තරඟය තප්පර 10යි දශම 5යි 5කින් අවසන් කරමින්. මෙවර ලෝක ශූරතා කනිෂ්ඨ මලල ක්‍රීඩා තරගාවලියට ශ්‍රී ලංකාව නියෝජනය කරමින් ක්‍රීඩක ක්‍රීඩිකාවන් 13 දෙනෙකු සුදුසුකම් ලබා තිබීම විශේෂත්වයක්.
