ඉතිහාසයේ පළමුවරට එංගලන්තයේ ලොඩ්ස් ක්‍රිකට් පිටියේදී ටෙස්ට් තරඟයක් ජය ගැනීමේ අවස්ථාව ශ්‍රී ලංකාවට අද උදා වනවා. ඒ, ශ්‍රී ලංකා එංගලන්ත දෙවන ටෙස්ට් ක්‍රිකට් තරඟයේදීයි.
ශ්‍රී ලංකා කණ්ඩායම 1984 සිට ලෝඩ්ස් ක්‍රිකට් පිටියේදී ටෙස්ට් තරඟවලට එක් වී ඇති නමුත් මෙතෙක් කිසිදු තරඟයක් ජය ගැනීමට හැකි වී නැහැ.
එහෙත් 1991 වසරෙන් පසු ගතවූ වසර 33 තුළ ශ්‍රී ලංකා කණ්ඩායම ලෝඩ්ස් ක්‍රිකට් පිටියේදී ටෙස්ට් තරඟයක් පරාජයට පත් වීද නැහැ. ගතවූ වසර 33 තුළ ශ්‍රී ලංකාව ලෝඩ්ස් පිටියේදී තරඟ 05කට ක්‍රීඩා කර ඇති අතර එම සියලු තරඟ නිමා වී ඇත්තේ ජය පරාජයෙන් තොරවයි.
ශ්‍රී ලංකා - එංගලන්ත දෙවන ටෙස්ට් ක්‍රිකට් තරඟය ශ්‍රී ලංකා වේලාවෙන් අද සවස 03යි 30ට ආරම්භ වනවා.
