බස්නාහිර පළාත සහ දකුණු පළාත මූලික කර ගනිමින් ක්‍රියාත්මක සංවිධානාත්මක අපරාධ කල්ලි සාමාජිකයින් අත්අඩංගුවට ගැනීමේ මෙහෙයුම යටතේ, තවත් සංවිධානාත්මක අපරාධ කල්ලි සාමාජිකයෙක් අත්අඩංගුවට ගෙන තිබෙනවා. ඒ, බස්නාහිර පළාත් දකුණ අපරාධ කොට්ඨාසය මගින් මීගහවත්ත ප්‍රදේශයේ සිදු කළ වැටලීමකදීයි.
අත්අඩංගුවට ගත් සැකකරු 35 හැවිරිදි දෙල්ගොඩ ප්‍රදේශයේ පදිංචිකරුවෙක්.
අත්අඩංගුවට ගත් එම සැකකරු සමග විවිධ සබඳතා පැවැත්වූ සහ අපරාධවලට සහය දැක්වූ තවත් සැකකරුවන් 25 දෙනෙක්ද පොලීසිය මගින් අත්අඩංගුවට ගෙන තිබෙනවා.
සංවිධානාත්මක අපරාධ කල්ලි සාමාජිකයින් අත්අඩංගුවට ගැනීමේ මෙහෙයුම යටතේ මේ වන විට සමස්ත සැකකරුවන් 3,561ක් අත්අඩංගුවට ගෙන ඇති බවයි පොලිස් මාධ්‍ය ප්‍රකාශක කාර්යාලය සඳහන් කළේ.
