වසර එක හමාරක් ඇතුළත විදුලිබිල තුනෙන් දෙකකට වැඩි ප්‍රමාණයකින් පහළ දමන බව අඩු කර බව ජාතික ජන බලවේගයේ ජනාධිපති අපේක්ෂක, පාර්ලිමේන්තු මන්ත්‍රී අනුර කුමාර දිසානායක පවසනවා.
කොට්ටාව ප්‍රදේශයේ පැවති ජන හමුවකට එක්වෙමින් මන්ත්‍රීවරයා කියා සිටියේ ඉන්ධන මිලද පහත දමා පොදු ප්‍රවාහන සේවය ශක්තිමත් කරන බවයි.
කෙසේවෙතත් ජනතාව වෙනුවෙන් තමන් සහනාධාර ලබා දෙන බවයි ජනාධිපති රනිල් වික්‍රමසිංහ මහතා පවසනවා.
ජනතාවගේ ආදායම වැඩි කිරීම සඳහා එලෙස සහනාධාර ලබා දෙන බව ජාඇල ප්‍රදේශයේ පැවති ජන හමුවකට එක්වෙමින් ජනාධිපතිවරයා පැවසුවා.
තමන් ජනාධිපතිවරණයට ඉදිරිපත්ව සිටින්නේ මේ වන විටත් ජනතාව වෙනුවෙන් සැලකිය යුතු වැඩකොටසක් සිදුකර ඇති පසුබිමක් තුළ බව සමගි ජන බලවේගයේ ජනාධිපති අපේක්ෂක, විපක්ෂ නායක සජිත් ප්‍රේමදාස මහතා පවසනවා.
මැදවච්චිය ප්‍රදේශයේ පැවති ජන හමුවකට එක්වෙමින් විපක්ෂ නායකවරයා පැවසුවේ තමන් එලෙස ජනතාව වෙනුවෙන් වැඩ කළද ගුවන් ගමන් බලපත්‍ර ලබා දීමට ආණ්ඩුවට නොහැකි වී ඇති බවයි.
සිය පාර්ශවය බලයේ රැඳී සිටියදී විවෘත කළ විවිධ ව්‍යාපෘති පිළිබඳ ඇතැම් ජනාධිපති අපේක්ෂකයින් සිය ප්‍රතිපත්ති ප්‍රකාශවල දක්වා ඇතැයි ශ්‍රී ලංකා පොදුජන පෙරමුණේ ජනාධිපති අපේක්ෂක පාර්ලිමේන්තු මන්ත්‍රී නාමල් රාජපක්ෂ පවසනවා.
ඔවුන් විසින් විවේචනයට ලක්කළ ව්‍යාපෘති එලෙස ප්‍රතිපත්ති ප්‍රකාශවල දක්වා බවයි දෙමටගොඩ ප්‍රදේශයේ පැවති ජන හමුවකට එක්වෙමින් ඔහු කියා සිටියේ.
ජනාධිපති ධූර අපේක්ෂක රොෂාන් රණසිංහද ඉදිරියේදී තමන් සිදුකරන කාර්යන් කිහිපයක් පිළිබඳ අදහස් පළ කළා.
ඒ, කොළඹ පැවති මාධ්‍ය හමුවකට එක්වෙමින්.
