දෙමටගොඩ චමින්දගේ පුත්‍රයා වන මලීෂ යන අය සමග සමීප සම්බන්ධතා පවත්වමින් මත්ද්‍රව්‍ය ජාවාරම සිදු කළ පුද්ගලයෙකු අත්අඩංගුවට ගෙන තිබෙනවා.
ඒ, පොලිස් විශේෂ කාර්ය බලකායේ බුද්ධි කොට්ඨාශයේ නිලධාරීන් පිරිසක් විසින් අංගොඩ, ගොතටුව ප්‍රදේශයේ සිදු කළ වැටලීමකදීයි.
එම වැටලීමේදී සැකකරු සන්තකයේ තිබී සොයා ගත් අයිස් මත්ද්‍රව්‍ය ග්‍රෑම් 13යි මිලි ග්‍රෑම් 250ක් සහ විද්‍යුත් තරාදියක් පොලිස් විශේෂ කාර්ය බලකා නිලධාරීන් සිය භාරයට ගෙන තිබෙනවා.
අත්අඩංගුවට ගත් සැකකරු 27 හැවිරිදි, ගොතටුව ප්‍රදේශයේ පදිංචිකරුවෙක්. සැකකරු සම්බන්ධ වැඩිදුර විමර්ශන ගොතටුව පොලිස් ස්ථානය වෙත භාර දී ඇති බවයි
පොලිස් විශේෂ කාර්ය බලකාය වැඩිදුරටත් පැවසුවේ.
