ලොව හොඳම ටෙස්ට් ක්‍රිකට් පන්දු යවන්නන් 10 දෙනා අතරට පළමුවරට පිවිසීමට ශ්‍රී ලංකා වේග පන්දු යවන ක්‍රීඩක අසිත ප්‍රනාන්දු සමත් වී තිබෙනවා.
ඒ, ජාත්‍යන්තර ක්‍රිකට් කවුන්සිලය ප්‍රකාශයට පත් කළ නවතම ටෙස්ට් ක්‍රිකක් පන්දු යවන්නන්ගේ ශ්‍රේණිගත කිරීමට අනුවයි.
ඒ අනුව අසිත ප්‍රනාන්දු නවතම ටෙස්ට් පන්දු යවන්නන් අතර 08වන ස්ථානයට පත්ව තිබෙනවා.
ඒ, ස්ථාන 09ක් ඉදිරියට පැමිණෙමින්.
එංගලන්තය සමග පැවැත්වෙන ටෙස්ට් තරඟාවලියේදී දැක්වූ දක්ෂතා මත ඔහු මෙලෙස ඉදිරියට පැමිණ තිබෙනවා.
කෙසේවෙතත් ලොව හොඳම ටෙස්ට් පන්දු යවන්නන් 10 දෙනා අතර සිටි ප්‍රභාත් ජයසූරිය ස්ථාන 04ක් පසුබැස තිබෙනවා.
ඔහු දැන් පසුවන්නේ 13වන ස්ථානයේයි.
