සංචාරක නවසීලන්ත කණ්ඩායම හා ශ්‍රී ලංකා කණ්ඩායම අතර දෙවන ටෙස්ට් ක්‍රිකට් තරඟය අද පැවැත්වෙනවා.
පෙරවරු 10ට තරඟය ආරම්භ වන්නේ ගාල්ල ජාත්‍යන්තර ක්‍රිකට් ක්‍රීඩාංගණයේදීයී.
දෙරට අතර පැවති පළමු ටෙස්ට් තරඟය ජයගත් ශ්‍රී ලංකාව අද තරඟයට පිවිසෙන්නේ තවත් ටෙස්ට් තරඟාවලි ජයග්‍රහණයක් අපේක්ෂාවෙන්.
එමෙන්ම ලෝක ටෙස්ට් ක්‍රිකට් ශූරතාවලියේ අවසන් මහා තරඟයට පිවිසීම සඳහා බලාපොරොත්තු තබා ගැනීමට නම් මෙම තරඟය ජය ගැනීම දෙපිළටම අතිශය වැදගත්.
අද තරඟයේදී ශ්‍රී ලංකා පිලේ වෙනස්කම් දෙකක් සිදුකර තිබෙනවා.
ඒ අනුව ලහිරු කුමාර හා රමේෂ් මෙන්ඩිස් වෙනුවට මිලාන් රත්නායක හා නිෂාන් පීරිස් කණ්ඩායමට කැඳවා තිබෙනවා.
පිට දග පන්දු යවන නිෂාන් පීරිස්ගේ පළමු ජාත්‍යන්තර ටෙස්ට් ක්‍රිකට් තරඟයද මෙයයි.
