කොළඹ ජාත්‍යන්තර පොත් ප්‍රදර්ශනයේ 06වන දිනය අදයි.
කොළඹ බණ්ඩාරණායක අනුස්මරණ ජාත්‍යන්තර සම්මන්ත්‍රණ ශාලා පරිශ්‍රයේ සිරිමාවෝ බණ්ඩාරනායක අනුස්මරණ ප්‍රදර්ශන මධ්‍යස්ථානයේදී පැවැත්වෙන පොත් ප්‍රදර්ශනය සඳහා ඊයේ දිනයේද අති විශාල පිරිසක් සහභාගී වුණා.
කොළඹ ජාත්‍යන්තර පොත් ප්‍රදර්ශනය ලබන 06 වනදා දක්වා පෙරවරු 09 සිට රාත්‍රී 09 දක්වා ක්‍රියාත්මකයි.
මේ වන විටත් ලක්ෂ හත හමාරකට අධික පිරිසක් පොත් ප්‍රදර්ශනය හා සම්බන්ධ වී ඇති බවයි ශ්‍රී ලංකා පොත් ප්‍රකාශකයින්ගේ සංගමයේ සභාපති සමන්ත ඉන්දීවර සමරසිංහ මහතා පැවසුවේ.
කොළඹ ජාත්‍යන්තර පොත් ප්‍රදර්ශනය පැවැත්වෙන පරිශ්‍රයේ නෙත් එෆ් එම් කුටියේ ස්ථාපිත පොත් කැටය ද තවදුරටත් ක්‍රියාත්මකයි.
දුෂ්කර පාසල්වල ඉගෙනුම ලබන දරු දැරියන් වෙනුවෙන් සවියක් වීම සඳහා ඔබට ද පොත් පරිත්‍යාග කිරීමට අවස්ථාව පවතිනවා.
