දුෂ්කර පාසල්වල ඉගෙනුම ලබන දරු දැරියන් වෙනුවෙන් සවියක් වීම සඳහා නෙත් එෆ් එම් රේඩියෝව ඔබට ද අවස්ථාවක් උදා කර දී තිබෙනවා.
ඒ, මේ දිනවල ක්‍රියාත්මක කොළඹ ජාත්‍යන්තර පොත් ප්‍රදර්ශනයට සමගාමීවයි.
කොළඹ ජාත්‍යන්තර පොත් ප්‍රදර්ශනය පැවැත්වෙන පරිශ්‍රයේ ස්ථාපිත නෙත් එෆ් එම් කුටියට පැමිණ පොත් කැටයට පොත් පරිත්‍යාග කිරීමෙන් ඔබටද මෙම මහඟු අවස්ථාවට සම්බන්ධ විය හැකියි.
කොළඹ ජාත්‍යන්තර පොත් ප්‍රදර්ශනයේ 07වන දිනය අදයි.
පොත් ප්‍රදර්ශනය ලබන 06 වනදා දක්වා පෙරවරු 09 සිට රාත්‍රී 09 දක්වා පැවැත්වෙනවා.
මේ වන විටත් ලක්ෂ අටකට අධික පිරිසක් පොත් ප්‍රදර්ශනය හා සම්බන්ධ වී ඇති බවයි ශ්‍රී ලංකා පොත් ප්‍රකාශකයින්ගේ සංගමයේ සභාපති සමන්ත ඉන්දීවර සමරසිංහ මහතා පැවසුවේ.
