නෙත් එෆ් එම් රේඩියෝව මාධ්‍ය අනුග්‍රහය දක්වන කොළඹ ජාත්‍යන්තර පොත් ප්‍රදර්ශනය 09වන දිනටත් අද ක්‍රියාත්මකයි.
ඒ අනුව කොළඹ ජාත්‍යන්තර පොත් ප්‍රදර්ශනය අද දිනයේද පෙරවරු 09 සිට රාත්‍රී 09 දක්වා පාඨක ජනතාව වෙනුවෙන් විවෘත වනවා.
කොළඹ ජාත්‍යන්තර පොත් ප්‍රදර්ශනය හෙටින් අවසන්.
මේ වන විටත් ලක්ෂ 9කට අධික පිරිසක් සම්බන්ධ වී ඇති බවයි ශ්‍රී ලංකා පොත් ප්‍රකාශකයින්ගේ සංගමයේ සභාපති සමන්ත ඉන්දීවර සමරසිංහ මහතා පැවසුවේ.
මේ අතර කොළඹ ජාත්‍යන්තර පොත් ප්‍රදර්ශනය වෙත පැමිණෙන ඔබට, දුෂ්කර පාසල්වල ඉගෙනුම ලබන දරු දැරියන් වෙනුවෙන් සවියක් වීම සඳහා නෙත් එෆ් එම් රේඩියෝව අවස්ථාවක් උදා කර දී තිබෙනවා.
ඒ අනුව ප්‍රදර්ශන පරිශ්‍රයේ ස්ථාපිත නෙත් එෆ් එම් කුටියට පැමිණ එහි ස්ථාපිත පොත් කැටයට පොත් පරිත්‍යාග කිරීමෙන් ඔබටද මෙම මහඟු අවස්ථාවට සම්බන්ධ විය හැකියි.
