මීර්ගම දුම්රිය ස්ථානය ආසන්නයේ දුරකතන සම්ප්‍රේෂණ කුළුණුවල සහ ට්‍රාන්ස්ෆෝමර්වල තඹ වයර් කැපූ සැකකරුවෙකු අත්අඩංගුවට ගෙන තිබෙනවා.
ඒ, මීරිගම පොලිස් ස්ථානයේ නිලධාරින්ට ලද තොරතුරක් මත සිදුකල වැටලීමකදීයි.
එලෙස අත්අඩංගුවට ගෙන ඇත්තේ වේයන්ගොඩ ප්‍රදේශයේ පදිංචි පුද්ගලයෙක්.
ඔහු විසින් මීරිගම, නාල්ල, දොම්පේ, අත්තනගල්ල, පල්ලේවෙල, නිට්ටඹුව, ගම්පහ සහ වීරගුල ප්‍රදේශවල දුරකතන සම්ප්‍රේෂණ කුළුණුවල සහ ට්‍රාන්ස්ෆෝමර්වල තඹ වයර් කපා ඇති බවට අනාවරණ වී තිබෙනවා.
එලෙස සොරකම් කරන ලද වයර් අඩි 457ක් සහ ඒවා උණුකර ලබාගත් තඹ කිලෝ 40ක් ද ඔහු සන්තකයේ තිබී සොයාගත් බවයි පොලිසිය පැවසුවේ.
