තණමල්විල, බලහරුව ප්‍රදේශයේ සිදුකල වැටලීමකදී අයිස් මත්ද්‍රව්‍ය සමග ටෙලිනාට්‍ය නළුවෙක් ඇතුළු සිව්දෙනෙකු අත්අඩංගුවට ගෙන තිබෙනවා.
එලෙස අත්අඩංගුවට ගෙන ඇත්තේ ‘ශෂි’ යන අන්වර්ථනාමයෙන් පෙනී සිටින ටෙලිනාට්‍ය නළුවෙක් බවයි නෙත් නිවුස් වාර්තාකරු පැවසුවේ.
ඔහු සන්තකයේ තිබී අයිස් මත්ද්‍රව්‍ය ග්‍රෑම් දහයයි මිලිග්‍රෑම් තුන්සියයක් පොලිස් නිලධාරීන් විසින් සිය භාරයට ගෙන තිබෙනවා.
අත්අඩංගුවට ගත් ටෙලිනාට්‍ය නළුවා බලහරුව ප්‍රදේශයේම පදිංචි 26 හැවිරිදි පුද්ගලයෙකු බවයි පොලිසිය පැවසුවේ.
ඔහු අත්අඩංගුවට පත් වූ අවස්ථාවේ නිදහස් කරන ලෙසට පවසමින් පොලිස් නිලධාරින්ට රුපියල් ලක්ෂ 10 ක අල්ලස් මුදලක් ද ලබාදීමට උත්සාහ කර තිබෙනවා.
ඔහුට එරෙහිව තලෙයිමන්නාරම ප්‍රදේශයේදී රුපියල් කෝටි හතරක මත්ද්‍රව්‍ය ජාවාරමක් සම්බන්ධයෙන් සහ අයථා වත්කම් ඉපැයීමේ චෝදනා සම්බන්ධයෙන් නඩු පවතින බවයි පොලිසිය පැවසුවේ.
සැකකරුවන් වැල්ලවාය මහේස්ත්‍රාත් අධිකරණයට ඉදිරිපත් කිරීමට නියමිතයි.
