වැල්ලවාය, හඳපානාගල ප්‍රදේශයේ මහා පරිමාණයෙන් සිදු කෙරුණු මත්පැන් නිෂ්පාදනාගාරයක් වැල්ලවාය පොලිසිය මගින් වටලා තිබෙනවා.
එම වැටලීමේදී සැකකරුවන් දෙදෙනෙකුද අත්අඩංගුවට ගත් බවයි වැල්ලවාය පොලීසිය පැවසුවේ.
මත්පැන් නිෂ්පාදනාගාරය තුළ තිබී නීති විරෝධී මත්පැන් පෙරීමට ගන්නා ගෝඩා, පෙරීම් උපකරණ, බැරල් ඇතුළු භාණ්ඩ රැසක්ද සිය භාරයට ගැනීමට පොලීසිය කටයුතු කර තිබෙනවා.
අත්අඩංගුවට ගත් සැකකරුවන් හඳපානාගල ප්‍රදේශයේ පදිංචිකරුවන් වන අතර ඔවුන් වැල්ලවාය මහේස්ත්‍රාත් අධිකරණයට ඉදිරිපත් කිරීමට නියමිතයි.
සිද්ධිය සම්බන්ධයෙන් වැල්ලවාය පොලීසිය මගින් වැඩිදුර විමර්ශන ක්‍රියාත්මකයි.
