දිගු කලෙක සිට අයිස් මත්ද්‍රව්‍ය ජාවාරමේ යෙදුණු පුද්ගලයෙකු පොලිස් විශේෂ කාර්ය බලකා නිලධාරීන් විසින් අත්අඩංගුවට ගෙන තිබෙනවා.
ඒ, පොලිස් විශේෂ කාර්ය බලකායේ ගෝනහේන කඳවුරේ නිලධාරීන්ට ලද තොරතුරකට අනුව මුල්ලේරියාව ප්‍රදේශයේ සිදු කළ වැටලීමකදීයි.
එම වැටලීමේදී සැකකරු සන්තකයේ තිබී අයිස් මත්ද්‍රව්‍ය ග්‍රෑම් 61යි මිලි ග්‍රෑම් 400ක් සිය භාරයට ගත් බවයි පොලිස් විශේෂ කාර්ය බලකා නිලධාරීන් පැවසුවේ.
අත්අඩංගුවට ගත් සැකකරු සේදවත්ත, වැල්ලම්පිටිය ප්‍රදේශයේ පදිංචි පුද්ගලයෙක්. සිද්ධියට සම්බන්ධ වැඩිදුර විමර්ශන මුල්ලේරියාව පොලිස් ස්ථානය වෙත භාර දී ඇති බවයි පොලිස් විශේෂ කාර්ය බලකාය වැඩිදුරටත් පැවසුවේ.
