ශ්‍රී ලංකා කාන්තා ක්‍රිකට් කණ්ඩායමේ පන්දුවාර විස්සයි විස්ස ලෝක කුසලාන ගමන ඊයේ අවසන් වුණා.
ඒ ඉන්දියාව හමුවේ ලැබූ දැවැන්ත පරාජය හේතුවෙන්.
තරඟයේ ප්‍රථමයෙන් පන්දුවට පහර දුන් ඉන්දියාව නියමිත පන්දුවාර විස්ස අවසානයේ කඩුලු 03ක් දැවී ලකුණු 173ක් රැස් කළා.
කෙසේවෙතත් ශ්‍රී ලංකා කණ්ඩායමට සියලු දෙනා දැවී රැස් කර ගත හැකි වූයේ ලකුණු 90ක් පමණයි.
ඒ අනුව ඉන්දියාව තරඟය ජය ගත්තේ ලකුණු 82කින්.
එය ඉන්දීය කණ්ඩායමක් කාන්තා ලෝක කුසලානයක වැඩිම ලකුණු පරතරයකින් තරඟයක් ජය ගත් අවස්ථාව ලෙස වාර්තා පොත් අතරටද එක් වුණා.
පන්දුවාර විස්ස කාන්තා ක්‍රිකට් තරඟාවලියේ ශ්‍රී ලංකාව සහභාගි වන අවසන් තරඟය ලබන සෙනසුරාදා නවසීලන්තය සමග පැවැත්වෙනවා.
