බටහිර ඉන්දීය කොදෙව් දූපත් ක්‍රිකට් කණ්ඩායම ශ්‍රී ලංකාවේ තරඟ සංචාරයක් සදහා අද කටුනායක ගුවන් තොටුපොළින් මෙරටට පැමිණියා.
ඔවුන් ශ්‍රී ලංකා ක්‍රිකට් කණ්ඩායම සමග විස්සයි විස්ස තරඟ 03ක් සහ එක් දින තරඟ 03ක් සඳහා සහභාගී වීමට නියමිත බවයි ශ්‍රී ලංකා ක්‍රිකට් ආයතනයේ මාධ්‍ය ප්‍රකාශකවරයා සඳහන් කළේ.
මෙම විස්සයි විස්ස තරඟ එළඹෙන 13, 15 සහ 17යන දිනවලදී රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වීමට නියමිතයි. තරඟය පැවැත්වෙන්නේ රාත්‍රී තරඟාවලියක් ලෙසයි.
මීට අමතරව එක් දින තරඟ එළඹෙන 20, 23 සහ 26 යන දිනවල පල්ලේකැලේ ජාත්‍යන්තර ක්‍රිකට් ක්‍රීඩාංගණයේදී දිවා රාත්‍රී තරඟාවලියක් ලෙස පැවැත්වෙන බවයි ශ්‍රී ලංකා ක්‍රිකට් ආයතනය පැවසුවේ.
