බූස්ස බන්ධනාගාරය තුළ සිදු කළ වැටලීම් දෙකකදී අයිස් මත්ද්‍රව්‍ය සහ දුරකථන දෙකක් ඇතුළු දුරකථන උපාංග අත්අඩංගුවට ගෙන තිබෙනවා.
ඒ, පොලිස් විශේෂ කාර්ය බලකායේ බූස්ස බන්ධනාගාර කඳවුරේ නිලධාරීන්ට ලද තොරතුරකට අනුව එම බන්ධනාගාරයේ පැරණි අංශයේ කොටසේදී සහ අංක 03 මුරපොළ අසලදී කළ වැටලීමකදීයි.
එම වැටලීම්වලදී බන්ධනාගාරයේ පැරණි අංශයේ D කොටසේ සඟවා තිබූ අයිස් මත්ද්‍රව්‍ය ග්‍රෑම් 04යි මිලි ග්‍රෑම් 300ක්, ජංගම දුරකථනයක් සහ දුරකථන උපාංග සොයාගෙන තිබෙනවා.
අංක 03 මුරපොළ අසලදී රැඳවියකු විසින් පුවත්පතක් තුළ සූක්ෂමව සඟවාගෙන බන්ධනාගාරයට තුළට රැගෙන යමින් සිටි දුරකථනයක් සොයාගැනීමටද එම මුරපොලේ රාජකාරී යෙදී සිටි නිලධාරියා සමත්ව ඇති බවයි පොලිස් විශේෂ කාර්ය බලකා නිලධාරීන් පැවසුවේ.
