ප්‍රදේශ කිහිපයක යතුරුපැදි හා රන් මාල කොල්ලකෑ සිද්ධීන් රැසකට සම්බන්ධ සැකකරුවන් 07 දෙනෙකු පොලීසිය විසින් අත්අඩංගුවට ගෙන තිබෙනවා.
ඉන් සැකකරුවන් සිව් දෙනෙකු වේයන්ගොඩ ප්‍රදේශයේ පදිංචිකරුවන් වන අතර ඔවුන් විසින් සොරකම් කරන ලද යතුරුපැදි 06ක් සොයාගත් බවයි පොලීසිය පැවසුවේ.
එම යතුරුපැදි උපයෝගී කර ගනිමින් සැකකරුවන් වැල්ලම්පිටිය, මිනුවන්ගොඩ, දෙමටගොඩ, ග්‍රෑන්ඩ්පාස් හා කිරිබත්ගොඩ ප්‍රදේශවල රන් මාල කොල්ලකා තිබෙනවා.
ඔවුන් විසින් කොල්ලකන ලද භාණ්ඩ සන්තකව සිටි තවත් සැකකරුවන් තිදෙනෙකු යක්කල, නුන්ගමුව හා පල්ලේවෙල ප්‍රදේශවලදී අත්අඩංගුවට ගත් බවයි පොලීසිය පැවසුවේ.
