මෙක්සිකෝවේ සිදුවූ බස් රථ අනතුරකින් පුද්ගලයින් 19 දෙනෙකු මියගොස් ඇති බව විදෙස් මාධ්‍ය පවසනවා.
එම අනතුර සිදුව ඇත්තේ මෙක්සිකෝවේ සකතෙකස් ප්‍රාන්තයේ අධිවේගී මාර්ගයකදීයි.
ඉරිඟු ප්‍රවාහනය කරමින් තිබූ ට්‍රැක්ටරයක බස් රථය ගැටීමෙන් පසු ට්‍රැක්රයෙන් ගැලවී ගිය ට්‍රේලරය බස් රථයේ ගැටී ඇති බවයි විදෙස් මාධ්‍ය පවසන්නේ.
අනතුරින් පසු බස් රථය මාර්ගයෙන් ඉවතට ධාවනය වී ප්‍රපාතයකට පෙරළී තිබෙනවා.
අනතුර සිදුවන අවස්ථාවේ දී බස් රථය අමෙරිකානු - මෙක්සිකෝ දේශසීමාව ආසන්නයේ පිහිටා ඇති ජුආරෙස් නගරය බලා ධාවනය කරමින් සිටි බව වාර්තා වෙන්නේ.
අනතුරින් පුද්ගලයින් 19 දෙනෙකු මියගොස් තවත් 06 දෙනෙකු තුවාල ලබා තිබෙනවා.
