දීර්ඝ කාලයක් තිස්සේ සූක්ෂම ලෙස මහා පරිමාණයෙන් කේරළ ගංජා සහ නීති විරෝධී මත්පැන් ජාවාරමේ යෙදුනු පුද්ගලයකු පොලිස් විශේෂ කාර්ය බලකාය මඟින් අත්අඩංගුවට ගෙන තිබෙනවා.
ඒ, පාදුක්ක, ගලගෙදර ප්‍රදේශයේ සිදුකල වැටලීමකදීයි.
එහි දී ලක්ෂ පහකට ආසන්න වටිනාකමින් යුත් කේරළ ගංජා කිලෝ ග්‍රෑම් 02 යි ග්‍රෑම් 55 ක්, නීති විරෝධී මත්පැන් ලීටර් 67යි මිලී ලීටර් 500 ක් සහ මත්ද්‍රව්‍ය ජාවාරමින් උපයාගත් මුදල් රුපියල් පනස් දහසකට අධික මුදලක් සැකකරු සන්තකයේ තිබී සොයාගෙන තිබෙනවා.
අත්අඩංගුවට ගත් සැකකරු පාදුක්ක ප්‍රදේශයේ පදිංචි 54 හැවිරිදි පුද්ගලයෙක්.
සැකකරු වැඩිදුර විමර්ශන සඳහා පාදුක්ක පොලිස් ස්ථානය වෙත භාරදුන් බව පොලිස් විශේෂ කාර්ය බලකාය සඳහන් කළා.
